تۆمارکردنی ڕاهێنەر

لە ڕۆژی پەسەندکردنی ڕاهێنەر لەلایەن ADI، مافی پشتگیری، ڕاوێژکاری، فێرکاری و بەشداری لە چالاکییە فەرمییەکانی پەیمانگا دەست دەکەوێت.

ڕاهێنەر بەرپرسیارە لە پاراستنی ناوبانگ، متمانە و ئیمیجی ADI لە ناو و دەرەوەی پەیمانگا.

ڕاهێنەر دەبێت هەمیشە ڕەفتارێکی پیشەیی، ڕێزدار و نموونەیی لەگەڵ خوێندکاران و هاوکاران هەبێت.

ئامادەبوون لە کاتی دیاریکراو و دەستپێکردنی وانەکان بە کاتی خۆیان پێویستە.

ڕاهێنەر دەبێت پێش هەر وانەیەک پلانی وانە و ماددەی فێرکاری ئامادە بکات.

هەموو زانیارییەکانی خوێندکاران، کارمەندان و بەڵگەنامەکانی ADI نهێنین و نابێت بڵاوبکرێنەوە.

بەکارهێنانی ناو، لوگۆ و ناسنامەی ADI تەنها بە مۆڵەتی نووسراوی پەیمانگا ڕێگەپێدراوە.

هەموو کتێب، سلاید، ڤیدیۆ و ماددەی فێرکاری کە بۆ ADI ئامادە دەکرێت، مافی فکریی پەیمانگایە.

ڕاهێنەر دەبێت هەموو خوێندکاران بە یەکسانی مامەڵەیان لەگەڵ بکات، بێ جیاکاری.

هەموو نمرە و هەڵسەنگاندنەکان دەبێت بە دادپەروەری و بەپێی پێوانەی ئەکادیمی بێت.

ڕاهێنەر بەرپرسیارە لە پاراستنی سامان، ئامێر و کەرەستەکانی ADI گەر پەیمانگا پێی بدات.

بڵاوکردنەوەی هەر هەواڵ، وێنە یان ڤیدیۆیەک بە ناوی ADI، تەنها بە ڕەزامەندی بەڕێوەبەرایەتی دەکرێت.

ڕاهێنەر پابەندە ستانداردە نێودەوڵەتییەکانی فێرکاری و کوالێتی جێبەجێ بکات.

لە کاتی ڕاهێنان، ڕاهێنەر دەبێت جلوبەرگێکی گونجاو و شایستە لەبەر بکات.

لە کاتی کۆرسەکانی ADI، ڕیکلامکردن بۆ دامەزراوە یان کۆمپانیای تر ڕێگەپێنەدراوە.

ڕاکێشانی خوێندکاران بۆ دامەزراوەی تر یان کۆرسی کەسی، بەبێ ڕەزامەندی ADI، سەرپێچییە.

هەر جۆرە هەڵسوکەوتێک کە پێچەوانەی ئەخلاقی پیشەیی بێت، قەدەغەیە.

ڕاهێنەر دەبێت بەردەوام بەشداری لە خول و بەرنامەکانی گەشەپێدانی پیشەیی بکات.

ڕاهێنەر پابەندە بە هەموو خاڵەکانی گرێبەست و یاساکانی ADI.

ئەگەر ڕاهێنەر سەرپێچییەکی گەورە بکات، ADI مافی هەیە مۆڵەتی ڕاهێنانی هەڵبوەشێنێتەوە.

ڕاهێنەر نابێت هیچ بڕوانامە، مۆر یان بەڵگەنامەیەکی فەرمی بەبێ مۆڵەت بەکاربهێنێت.

پەیوەندی لەگەڵ خوێندکاران دەبێت لە چوارچێوەی ئەخلاقی و پیشەییدا بێت.

هەر ناکۆکییەک دەبێت بە ڕێگای فەرمی و لەلایەن بەڕێوەبەرایەتی ADI چارەسەر بکرێت.

ADI مافی هەیە لە هەر کاتێکدا ئەم یاسانامەیە نوێ بکاتەوە، و ڕاهێنەران پابەندن بە وەشانی نوێ.

واژۆکردنی ئەم یاسانامەیە بە مانای ئەوەیە کە ڕاهێنەر هەموو ماددەکان خوێندووەتەوە، لێیان تێگەیشتووە و بە تەواوی پابەندە بە جێبەجێکردنیان.